O timo savo so terdjol palo proekto DIGITClue sikavel jekh rezultato katar barabarutni buti, Instrukciengoro lil 2 ano 1. I idea vašo „duj ano jekh“ instrukciengoro lil si barjardi resasa te ovel adaptacie e agorutne labarnenge, thaj adava ko čhand e labarne korkori te alusaren i saikerin savi so mangen te drabaren. Ko adava čhand e drabarne keren peskoro šhand vašo rodljaripe thaj buti e saikerinasa, bizo te lel pe o anglodžanipe. Jekh katar e sebepia ko akava resipe si o fakto kaj o proekto učharel e verver sikljovipaskere kontekstia (ane proektikane thema) kolenge o Instrukciengoro lil si kerdo.
I fundavni idea e proektoskiri DIGITClue si te del e sikavnenge, sar thaj adalenge so ka oven, phirnipa, džanipa thaj xaletia vaši implementacia e interaktivnikane tehnologiengiri thaj IKT tehnologia ko e-sikljovipe iradasa te kerel thaj lačheder šartia vaši inkluzivnikani siklana. O inkluzivnipe e sikavnengoro kolen isi kišle trubutnipa, e buteder čhibjengere sikavne vaj e phare resutne sikavne kola so keren buti ane durutne thaj marginalizirime regie sas jekh katar e cxidutne nukte ko akava proekto, vaj pale Instrukciengoro lil sas dende materialonca save so šaj te labaren pe ano sakova phird e barjovipaskoro thaj deipe e siklanakere materialongoro.