Proektikano timo katar Zadar
Danijela Birt Katić si historicisti thaj etnologo thaj kulturnikano antropologo, akana akanaske e titulasa docento ko Departmento vaši etnologia thaj antropologia ko Univerziteto ano Zadar. Kerel rodljaripaski thaj sikavipaski buti e fokusesa ke teme katar o historikano barjovipe e kroatikane etnologiako, familiarnikane thaj jerikane relacie ano konteksto e buvljarde familiake khedipango, thaj hali e etnologiako thaj antropologiako ano konteksto e fundavne thaj maškarutne sikljovipasko ani Kroacia.
Kerel koordinacia e kroatikane timesko ko Erasmus + proekto Digitalnikani inkluzia ano sikljovipe e sikavnengoro savi so kerel o Univerziteto ani Vienna. Ano Univerziteto Zadar čekatinel o institucionalnikano proekto „Politike e khedipasko e etnografikane materialosko katar 1897 b. dži 1944 b.: „E sikavne sar vazdutne e etnografikane džanipasko“.
E-mail adresa: Danijela Birt Katić
Ines Cvitković Kalanjoš, etnomuzikologi, postdoktorandi ko Departmento vaše pedagogikane studie ano Gospić, Univerziteto ano Zadro. Voj rodljarel e minoritetnikane grupe, majbut e Romen, lengi muzika thaj interakcia e aver naromane muzikantenca. Lako rodljaripe si dromardo thaj ke muzikake teme katar o sikljovipe.
Dženi si e kroatikane timesko ano Erasmus + proekto Digitalnikani inkluzia ano sikljovipe e sikavnengoro. Ko Univerziteto ano Zadar kerel buti sar sombutikerutni ko institucionalnikano konkursikano proekto „Politike e khedipasko e etnografikane materialosko katar 1897 b. dži 1944 b. : „E sikavne sar vazdutne e etnografikane džanipasko“.
E-mail adresa: Ines Cvitković Kalanjoš
Jadranka Brkić-Vejmelka, geografo, docenti ko Departmento ano Gospić Univerziteto ko Zadar. Sikavel thaj ko Departmento vaši geografia thaj ko Departmento vašo turizmo thaj komunikologia ko Univerziteto ko Zadar. Sikavel thaj rodljarel teme katar i turistikani geografia, ikerdikano barjovipe e turizmosko, metodika katar i siklana e džantripaski.
Dženi si e kroatikane timesko ano Erasmus + proekto Digitalnikani inkluzia ano sikljovipe e sikavnengoro. Adžukhar si thaj dženi ano proekto Erasmus + Europikano proekto e dizutnikane angažmanosko e studentengo telo čekatnipe e Univerzitettesko La Rochelle, sar dženo e Univerzitetesko ano Zadar. Prezidenti si e Kroatikane geografikane amalnipasko – Zadar.
E-mail adresa: Jadranka Brkić-Vejmelka
Tina Marin, si butjarni ko Centro vaše proektia, džantripe thaj transfero ko Univerziteto Zadar. Akana kerel buti sar UNIZD administrativnikani legarni ko proekto „Ov agordikano thaj kompetentikano!“ finansirimo sar pervazo katar Europakoro socialnikano fondo koleste o Univerziteto Zadar si partnero. Del administrativnikano dendo dumo e hrvatikane timoske ano Erasmus+ proekto Digitalnikani inkluzia ano sikljovipe e sikavnengoro.
E-mail adresa: tmarin@unizd.hr