Auktoria: Thomas Köhler, Robert Kleemann
I digitalizacia irankerela o čhand sar amen keras jekhethani buti. E startune šartia but sig averkeren pe sekote, thaj adžukhar ani Europa. Sar te avel pe dži e resutne sikljovipaskere grupe? Kola formatia si ekonomikane lačhe? Save barjovipanca šaj minsale te keras buti? E avdivesutne sikavne thaj sikle sako dive resaren but eksperience e digitalnikane transformaciasa e sikljovipaskiri. E koncepte e neve metodenge sar so si CoP (Community of Practice), MOOC (Massive Open Online Courses) ili OER (Open Educational Resources) sade si kotor e neve formenge e barabarutne butjake ano konteksto e digitalizaciako. Numaj, i idea e digitalnikane transformaciaki ani ranik e leipasko thaj deipasko e džanipasko, ano amalnipe generalnikane, industria thaj maškarsektorikani kolaboracia, panda na del pe kodobor sama thaj na xaljovel pe lakoro džanlipe(Köhler et al., 2019.).
Soske kerel pe lafi? I digitalnikani transformacia šaj te dikhel pe sar proceso so si dživdo katar o šird e digitalizaciako dži o „pherdo digitaliripe“. I funda e transformaciaki si o digitalnikano infrastrukturipe thaj i digitalnikani tehnologia, ko so o proceso džal telo vast e digitalnikane transformaciasa thaj te leljam i industrializacia 4.0 si phandli thaj e sahne amalipne barjovipasa, a i resarin si te kerel pe amalnipe 5.0 (Blossfeld et al., 2018.). Vaše sikavne adava anel kaj trubul te keren netvorko thaj te labarindoj e digitalnikane medie pobuter te keren buti barabar (Seufert, 2018.). Kana dikhas e digitalnikane kompetencie, keras ververipe ke duj fundavne modelia:
formiripe digitalnikani transformacia ki plesutni profesia thaj
koformiripe e digitalnikane transformaciako ki sahni organizacia
I digitalnikani transformacia ano školakoro konteksto sikavel kaj si kompleksnikano modelo.
Čačipasa šaj te pučas amen ka oven vaj na e digitalnikane transformaciasa e škole zoraleder thaj pale netvorkime e amalnipasa? Cress thaj av. (2018) vakeren kaj i škola ko akava momento phares šaj te džal palo sigutnipe e barjovipaskoro e digitalizaciakoro. Kothan kadaleske, ane škole trubul te ovel šajutno korkori te oven aktivnikane ano formiripe e transforaciakoro jekhajekh lengere dromaripanca thaj napienca.
Literatua
Seufert, S., Guggemos, J. & Tarantini, E. (2018). Digitale Transformation in Schulen – Kompetenzanforderungen an Lehrpersonen. Beiträge zur Lehrerinnen- und Lehrerbildung: Zeitschrift zu Theorie und Praxis der Aus- und Weiterbildung von Lehrerinnen und Lehrern 36(2), S. 175-193.
Blossfeld, H.-P., Bos, W., Daniel, H.-D., Hannover, B., Köller, O., Lenzen, D., McElvany, N., Roßbach, H.-G., Seidel, T., Tippelt, R. & Wößmann, L. (2018). Digitale Souveränität und Bildung. Gutachten des Aktionsrats Bildung. Münster: Waxmann.
Köhler, T., Schoop, E. & Kahnwald, N. (2019). Communities in New Media: Researching the Digital Transformation in Science, Business, Education & Public: Administration. Proceedings of 22nd Conference GeNeMe 2019. Dresden TUDPress.
Cress, U., Diethelm, I., Eickelmann, B., Köller, O., Nickolaus, R., Pant, H. A. & Reiss, K. (2018) Schule in der digitalen Transformation – Perspektiven der Bildungswissenschaften. Deutsche Akademie der Technikwissenschaften, S. 1-12.