Didaktikano vastušej: Digitalnikani inkluzia

Auktoria: Christa Markom, Jelena Tosić, Magdalena Steger

Adhinale katar o amalnikano maškaripe ano savo varesavo manuš dživdinel, kerel buti vaj kerel peskere studie, i digitalnikani inkluzia šaj te ovel definirime ke ververikane čhania. I digitalnikani inkluzia si ki relacia e kabilipasa e individuengoro thaj grupengoro te resaren thaj labaren o informaciakere thaj komunikaciakere tehnologie bizo dikhipe ko lengoro polo, berša, amalnikano-ekonomikano hali, lokacia, čhib, fizikane rodipa thaj av. Numaj e but anglipa save so si kotor katar e digitalnikane medie isi thaj aspektia e ekskluziakoro. Sar thaj ane but aver ranika, isi digitalnikano lingano čučipe, sar thaj digitalnikano queer čučipe, save so ke verver čhania ikljoven ko kotora e sundaleskere.

Soske kerel pe lav?

E sikle trubul te keren analiza ki netvorkoskiri rigori so majbut mangen. Adava šaj te ovel i netvorkoskiri rigori lengere školakiri vaj pale aver netvorkoskiri rigori. Trubul te ovel kerdi analiza ko dikhipe e (digitalnikane) inkluziakere aspektia. Isi pervazo savo so ka osigurinel o proektikano timo ko DIGITclue.

Zumavkeren

Sar jekhto phird, drabaren o koncepto vaši digitalnikani inkluzia ko HUB thaj notirinen ko so si ki relacia e digitalnikane inkluziasa. Pala adava kere analiza ki netvorkoskiri rigori so si temelime ko koncepto katar digitalnikani inkluzia. Prezentirinen e rezultatia e online xaletosa ano siklano than thaj keren diskusia adaleske e siklenca. Von te vakeren kote ka keren averdipe. Alusaren jekh aspekto barabar e siklenca thaj den bahani sar šaj te realizirinel pe o averdipe.

Alternativa: Analizirinen I metvorkoskiri rigori barabar e siklenca. Bahanikane aplikacie:  Mural, Prezi, Power Point

Vaker kolegoske

Pali buti ko digitalnikano panelikano than keren buvljaripe e siklenca, a tumari buti buvljaren e siklenca šaj te ulaven e kolegonca ko sahno sundal. Adale resake šaj te ulaven o kerdo digitalnikano panelikano than ki mapa e digitalnikane inkluziakoro ki netvorkoskiri rigori DigitClue. D.I. I mapa si mapa e sundaleskiri savate sa e labarutne šaj te ulaven e proektia, materialia, idee thaj e komentaria vaši digitalnikani inkluzia ani peskiri phuv.

Gindipe dureder

Akana kerden diskusia thaj gindinden vaši digitalnikani inkluzia katar personalnikani perspektiva, sar thaj perspektiva e siklengiri. Akana akharas tumen te averkeren tumari perspektiva thaj gindinen adaleske katar aver perspektiva.

Misal 1

Siklilen kaj i digitalnikani inkluzia šaj te anel thaj definirinel pe ke verver butja, ane verver kontekstia. Pendžarena e idee tumare siklengere sar thaj o resipe.

Gindinen sar jekh šoveberšengoro čhavo thaj manuš katar o oftovardeš ka definirinen i digitalnikani inkluzia? Si maškar lende averip vaj pale si jekhejekh ko gindipe? Ane save aspektia si verver katar tumari definicia vaši digitalnikani inkluzia?

Biobligaciakoro: Pendžarena manuše katar o oftovardeš berš vaj čhave katar o šov berš, tumare familiate vaj pašipaste? Pučen len sar von definirinen i digitalnikani inkluzia thaj keren komariripe e ideasa savi so tumen isi.

Misal 2

Thaj adžukhar, maškar e discipline šaj te oven ververipa sar kerel pe definicia ki digitalnikani inkluzia. Sar o sociologo ka sikavel i digitalnikani inkluzia, a sar ka sikavel o informatiko? Ane save aspektia si jekh, a ko so si verver?