Šukar avilen ko DIGITClue HUB!

E netvorkoski rigori so si anglo tumende ka del than vašo sikljovipe e pučipange so si phandle e digitalnikane inkluziasa. I rigori ka šaj tromales te labaren te šaj te aresen thaj/vaj zuraren tumaro džanipe vašo digitalnikano sundal thaj leske didaktikane aspektonge dende akcentosa te ovel kerdo inkluzivnikano. E resarinaki grupa savi so si dendi akale rigorake si e sikljarne ane škole, univerzitetikane profesorura thaj avutne sikljarne thaj sikle.

O sikljovipe si zoralo vastaripe/šastra vašo kerdipe e inkluzivnikane thaj e pluralistikane demokratikane amalnipa/societe. E demokratikane čekatnipa, phandindoj thaj lingane thaj rasake jekhipa, tromalipe e vakeripasko thaj alusaripe e religiako, jekhipe thaj lelipe e ververikane seksualnikane identifikaciengo, na avel naturalnikane. Trubul te sikljoven pe. Dureder, e verver scientistia sikavde sar o nakhlipe e diskriminaciako thaj e ekskluziako negativnikane kerel asaripe ko baxtagor e siklengo ane škole thaj ki lengi motivacia te džan ki škola. Leindoj ko dikhipe akala anglodikhina ane europake amalnipa, generalnikani res e proektoski si te kerel lačheder i kvaliteta e siklanako te šaj te ikerel o kerdipe e inkluzivnikane školengo save so e terne manušenge ka del e trubutne phirnipa vašo leipe than ano demokratikano dživdipe thaj globalnikano džanipe. I idea e proektoski DIGITclue sit e del e sikljarnenge phirnipa, džanipa thaj šastra vaši implementacia e interaktivnikane tehnologienge thaj i tehnologia e-sikljovipasko temelime ko IKT (informatikani-komunikaciaki tehnologia) te šaj te del inkluzivnikano sikljovipe.

DIGITClue HUB phird palo phird ka del osiguripe e relevantnikane saikeripasko vaši digitalnikani inkluzia thaj e didaktikane koncepte vaši implementacia, materialia save so ka oven dende dži o Majo 2023 b. thaj kadava ko efta čhibja: anglikani, germanikani, hrvatikani, romani, čehikani thaj turkikani.

O saikeripe ka ovel prezentirime ane trin kotora: Jekhto sikljovipe (Lokho sikljovipe), Portfolio, Instrukcienge lila. O saikeripe ka šaj te len ko linko http://www.digitclue.net.

Erasmus+ Projekt DIGITClue (Juno 2021. - Majo 2023.)